المناسبات

العيد الكبير كل عام وانتم بخير

ورقه لحمه بالزبده

لحمة هوبر - او مكعبات كيلو او حسب عدد افراد الاسرة - كندوز حته ناعمه – بصلتين شرايح – 3 فص توم شرايح او مفروم – ملح – فلفل اسود – بهارات – مجموعة من الخضروات بطاطس – جزر – كوسة – فلفل الون او اخضر بس
الطريقة
نقطع البصل شرايح والتوم ونحطهم على ورقة زبدة او فويل
نحط عليهم اللحمة والملح والفلفل الاسود والبهارات ونخلطهم مع بعض
نقطع الخضار وننزله فى زيت سخن لحد مايعمل طبقة على الخضار بدون ان يتحمر والسبب فى الخطوة دى لما ندخل الخضار فى الفرن مع اللحمة مابيتهريش وبيحافظ على شكله نطلعه على ورق مطبخ ثم يوضع على اللحمة
نقفل ورق الزبدة ومن تحتيه ورق فويل ونقفل كويس من الجوانب ويدخل الفرن لمده نصف ساعه
و تقدم مع ارز بالشعريه 

-------------------------------------------------------------------------------------------------------------------------------------

 منين بالعجوة

 المقادير:
كيلو دقيق
حتة خميرة مع ماء دافىء وسكر بسيط
ربع كوب سكر
كوب ونصف سمن باردة وليست مجمدة
كوب ماء تقريبا حسب نوع الدقيق
ملعقة صغيرة ملح ومثلها يانسون
الطريقة:
لعمل المنين بالعجوة اضع كل المقادير الجافة اولا واقلبهم جميعا
ثم السمن اخيرا و نبسها باليد والماء حبة حبة الى ان تصبح عجينة ناعمة وطرية نتركها نصف ساعة ترتاح.
وبعدها نفرد المنين بالنشابة او علي صاج ونحشيها بالعجوة المضاف اليها سمن على النار عشان تطرى ونلف بقى زى السوسيرول ولكن لفتين فقط ثم نبطط باليد عليها كدة ونرش سمسم ثم نقطعها بالسكين ونضع المنين بالعجوة فى الصينية ونترك المنين بالعجوة تخمر لمدة ساعة وندخل المنين بالعجوة الفرن ع حرارة متوسطة..هتاخد تلت ساعة تقريبا..وبعد لما تخرج اسيبها تبرد وتنشف بقى وبعدين ادوق وتقدم المنين بالعجوة وبالهنا والشفا و توضع في علبه و تغطي
انا مجربه الطريقه دي و بيطلع تحفه
-------------------------------------------------------------------------------------------------------------------------------------

 كحك العيد

المقادير:
‎1 كيلو دقيق 2 كوب سمن كوب حليب 3 ملاعق كبيرة سمسم 2 ملعقة صغيرة بيكنج بودر 2 ملعقة صغيرة رائحة كعك مقدار ملح مقدار ملبن او عين جمل
التحضير:نضرب السمن بالمضرب حتي ينعم
نضيف الحليب مع الاستمرار في الضرب حتي يتجانس الخليط.
نضع على الدقيق البيكنج بودر والملح ويرش فوقه السمسم ورائحة الكحك.
نصب خليط الحليب بالتدريج فوق خليط الدقيق ونعجن
حتي نحصل علي عجينة يمكن تشكيلها
تقطع العجينة الي كرات متساوية
ونحشى بقطعة صغيرة من عين الجمل و الملبن( بحجم البندقة الصغيرة)
نقوم بنقش الكحك بالطريقة المعتادة
يسخن الفرن ويرص الكعك في الصاجات مع مراعاة ترك مسافة بين كل واحدة
الطبخ: يخبز الكحك في فرن متوسط الحرارة حتي يكون لونه ذهبى فاتح
يرفع من الفرن وبحرص يرفع من الصاج ويترك حتي يبرد.
ويرش بالسكر البودرة
وبالهنا والشفا
ملاحظات: 1-قومى بدعك العجينة بطريقة جيدة حتى تحصلى على كعك ناعم ولا تقومى أبداا بتزويد العجينة بالماء لان كثرة الماء
تفقد الكح ليونته وليس العكس
2-قومى بوضع السمسم أبيضا لانه يتم تحميصه حينما تضعى فوقه السمن المقدوح
3-لكل كوب من الدقيق نستخدم من كوب إلى كوب ونصف ماء
حسب نوع الدقيق
4-تستخدم ملعقة خميرة فورية لكل 4 أكواب من الدقيق
-------------------------------------------------------------------------------------------------------------------------------------

القرص الطرية 

 

المقادير:

3كوب دقيق
1كوب لبن رايب او زبادى
نصف كوب زيت او سمنة
قطعة خميرة بيرة بحجم عين الجمل(انا استخدمت خميرة فورية)
ذرة ملح معلقة سكر
لبن لو احتاجت العجينة

الطريقــــــــــــة :
اول حاجة حضرت الخميرة بمعلقة السكر وماء دافى وغطتها ربع ساعة فى مكان دافئ
حضرت الدقيق وضفت عليةالملح واللبن الرايب والزيت انا استعملت زيت ذرة وعجنتها كويس وضفت الخميرة وعجنت لحد ما بقت عجينة ما بتلزقش بالطبق وغطتها وسبتها ترتاح 10 دقايق
حضرت الصينية وعملت القرص وحطيت على الوجة سمسم او حبة البركة وغطتها بقماشة نظيفة وسبتها تخمر وبعد ساعة سخنت الفرن وخبزتها

بصوا ياجماعة الطريقة دى منقولة وانا غيرت فيها انى خمرت العجينة الاول وبعدين قرصتها وخبزتها وبالهنا والشفا